#प्रेम हे आंधळ असते असे म्हटलं जातं पण दोन्ही डोळ्यांनी अंध असलेल्या यूवक युवतीनं डोळसपणे फक्त प्रेम केलं नाही तर दोघेही लग्नबंधनात अडकले. आपल्या प्रेमासाठी या अंध युवतीनं एकटीचं सांगली वरुन थेट अमरावती गाठली. त्याचं झालं असं माहूली येथील राहुल बावणे या युवकाची सांगली येथील आरती कांबळे या युवती सोबत सहा वर्षांपूर्वी अंधांच्या स्नेहसंमेलनात गोंदिया येथे भेट झाली. आरतीने या संमेलनात गायलेल्या गाण्यावर राहुल चांगलाच फिदा झाला. आणि मग काय ही ओळख वाढत गेली आणि दोघेही एकमेकांच्या प्रेमात पडले. राहुल सध्या बँकेची परीक्षा उत्तीर्ण झाला तर आरती उत्तम गायिका आहे. पण दोघांच्याही घरच्यांचा आरती आणि राहुलच्या नात्याला विरोध होता. पण मुलाच्या प्रेमापोटी राहूलची घरची मंडळी या विवाहाला तयार झाली. पण आरतीच्या घरच्यांचा या लग्नाला विरोध कायम होता. सरते शेवटी दोघांनीही लग्न करण्याचा निर्णय घेतला आणि आरती घर सोडून आपल्या प्रेमाववर विश्वास ठेवून थेट अमरावतीत आली. अखेर राहुल व आरती दोघेही विवाह बंधनात अडकले.या गोड जोडप्याची ही अजब-गजब प्रेमकहाणी त्यांच्याचकडून ऐकूयात.
